Hringmiðinn yfir Kjöl og austur fyrir landið opnar möguleika á heimsókn til vinsælla áfangastaða á hálendinu, svo sem svæðið vestan Kjalvegar á milli Hvítárness og Hveravalla, og ekki síður til Kerlingarfjalla sem bjóða uppá góða aðstöðu fyrir ferðamenn til dvalar og gönguferða um fjölskrúðugt og tignarlegt landslag.
Miðinn gildir síðan á þjóðvegi nr.eitt frá Blöndudal í Norðri austur fyrir landið og um Suðurland til baka. Eins má auðvitað fara öfugan hring og hefja ferðina á einhverjum þeim stað á leiðinni sem hverjum og einum hentar best.
Á leiðinni er farið um Varmahlíð í Skagafirði, Akureyri við Eyjafjörð, Víkurskarð, Fnjóskadal, Ljósavatnsskarð, Goðafoss, Reykjadal, Mývatn, Möðrudalsöræfi & Jökuldal á Norðurlandi. Egilsstaði, Suðurdal, Breiðdalsheiði, Breiðdal, Berufjörð, Djúpavog, Hamarsfjörð, Álftafjörð, Lón & að Höfn í Hornafirði. Þaðan um Mýrar, Suðursveit, Breiðamerkursand, Skaftafell, Skeiðarársand, Síðu, Kirkjubæjarklaustur, Vík, Skóga, Hvolsvöll, Hellu & Selfoss til Reykjavíkur.
Víða á þessari leið eru ótal tækifæri til dvalar eða annarra útúrdúra, enda hindrar rúmur gildistími hringmiðanna ekki viðdvöl eftir þörfum hvers og eins.
Gildistími hringmiða austurhrings um kjöl er 25.06 - 05.09.
UPPLÝSINGAR:
