Sterna - Bus schedule - Bílar og Fólk

Hringmiðar 2009 - ferðist frjáls og óbundin með rútu ! Kostir hringmiðanna eru ótvíræðir, þú er ekki bundin(n) af eigin farartæki og getur notið

Hringmiði

Hringmiðar 2009 - ferðist frjáls og óbundin með rútu !


Kostir hringmiðanna eru ótvíræðir, þú er ekki bundin(n) af eigin farartæki og getur notið útsýnisins meðan ferðast er, lesið eða sofið.   Tíminn skiptir litlu máli því hringmiðinn gildir í þrjá mánuði - Júní, Júlí & Ágúst - og þú getur stokkið út og hoppað inn hvar sem er á leiðinni.  Þú þarft einungis að þekkja tímaáætlun bílanna og mæta á réttum tíma.  Við sjáum um aksturinn og tryggjum örugga ferð.   Við bjóðum hringmiða með afslætti á fjórum leiðum, sem hver getur hentað þínum þörfum.  Þeir gilda allir einn hring á hverri leið, annað hvort norður eða suður um landið, alltaf í sömu áttina.  Fyrsti áfangi ferðarinnar sker úr um hvor hringleiðin er valin, rétt- eða rangsælis um landið.

Smellið á viðkomandi miða í vinstri dálkinum fyrir nánari upplýsingar.
1.  Hringmiði á þjóðvegi 1.
Hringmiðinn gildir á hringveginum - þjóðvegi nr. 1!  Fjöldi viðkomustaða opna möguleika á tenginu með áætlunarbílum við bæjarfélög og staði utan hringvegarins.
2.  Hringmiði á þjóðvegi 1 & Vestfirðir.
Þessi miði gildir á þjóðvegi nr. 1 nema frá Borganesi í Brú eða öfugt.  Frá þessum stöðum er farið um Borgarnes í Stykkishólm, með Baldri (innifalið í verði) yfir Breiðafjörð til Brjánslækjar, þaðan um Dynjandivog til Ísafjarðar, til Hólmavíkur og um Strandir í Brú í Hrútafirði eða öfugt.
3.  Snæfellsnesið og Snæfells þjóðgarður.
Snæfellsnesið svíkur engann og ekki er nú langt að fara.  Þessi miði er góður kostur - jafnvel í helgarferð.
4.  Vesturland & Vestfirðir.
Tignarleg fjöll, hvort sem er á Snæfellsnesinu eða Vestfjörðum.  Skemmri eða lengri ferð á þessar slóðir er góð og gefandi upplifun.  Ótal möguleikar til náttúruskoðunar og gönguferða.  Ferð með ferjunni Baldri yfir Breiðafjörðinn um Flatey innifalin.

5. Gullni hringurinn
Þessi miði fer hinn geysivinsæla gullna hring. Farið er frá Reykjavík yfir á Þingvöll um Mosfellsheiði og þaðan í gegnum Laugarvatn.  Frá Laugarvatni er svo haldið á Geysi og Gullfoss. Síðan er farið í gegnum Selfoss á leiðinni til Reykjavíkur aftur.

6. Landmannalaugar-Skaftafell

Hringmiðinn í Landmanalaugar, Skaftafell og Vík.  Hægt að komast í snertingu við hálendi Íslands.  Njóta náttúrufegurðar helstu náttúruperlla Íslands, Landmannalauga og Skaftafells.

7. Austurhringur um Kjöl
Hringmiðinn yfir Kjöl og austur fyrir landið opnar möguleika á heimsókn til vinsælla áfangastaða á hálendinu, svo sem svæðið vestan Kjalvegar á milli Hvítárness og Hveravalla, og ekki síður til Kerlingarfjalla sem bjóða uppá góða aðstöðu fyrir ferðamenn til dvalar og gönguferða um fjölskrúðugt og tignarlegt landslag.

8. Vestmannaeyjar
Hringmiði sem gildir fyrir dagsferð frá Reykjavík til Vestmannaeyja. Farið er frá Reykjavík til Bakkafjöru og með Herjólfi yfir til Heimaeyjar. Þar tekur svo við mögnuð skoðunarferð um eitt merkilegasta svæði Íslands í nú- og fortíð.


Aðrir afsláttarmiðar

Afsláttarmiðarnir henta vel þeim sem fara reglulega  á milli sömu staðanna vegna starfs eða náms - vetur eða sumar. 

Þrjár gerðir miða eru í boði með afslætti af almennu fargjaldi:
1.  10 ferðir með 15% afslætti.
2.  20 ferðir með 25% afslætti.

Til viðbótar veitum við einnig 10% magnafslátt ef keypt eru 10 kort eða fleiri og 15% magnafslátt ef keypt eru fleiri en 20 kort í einu.   Sveitafélög, skólar og fyrirtæki hafa nýtt sér þessa kosti.

Afsláttarkortin henta fyrst og fremst þeim sem fara a.m.k. tvisvar á dag á milli sömu staðanna.

Framsetning efnis

  • A-
  • A+
moya - Útgáfa 1.13 2009 - Stefna ehf